Nakasinati ug sagunson nga pagpangatake ang imprastraktura sa enerhiya sa Ukraine gikan sa Russia.
Kini ang ikaduhang higayon karong Nobiyembre nga gilusad sa Russia ang maong pag-atake.
Miresulta kini sa pagkawala sa suplay sa elektrisidad sa 523,000 ka panimalay ug mga kompaniya sa kasadpang rehiyon sa Lviv samtang anaa sa 260,000 ka tawo sa kasadpan sa Kyiv ang nawad-an ug suplay sa kuryente ug tubig.
Sumala ni Herman Halushchenko energy ministry, ang mga emergency nga pagkawala sa kuryente gideklarar sa Kyiv, Odesa, Dnipro ug Donetsk nga mga rehiyon tungod sa mga pag-atake sa mga pasilidad sa enerhiya.
gideklarar usab sa tibuok Ukraine ang usa ka air raid alert tungod sa hulga sa missile.
Wala pa matino kung pila sa mga missile sa Russia ang nag-target sa imprastraktura sa enerhiya sa Ukraine, apan sa miaging dagkong mga pag-atake, gilunsad sa Russia ang 120 nga mga missile ug 90 nga mga drone.
Samtang ang senior nga opisyal sa UN nga si Rosemary DiCarlo, nagpahimangno na nga ang winter karun sa Ukraine mahimong mo grabe sukad mibutho ang gubat sa hapit tulo ka tuig ang milabay.
