Mipadayag si Cebu Governor Gwendolyn Garcia nga ibalik karong umaabot nga school year ang paggamit sa English isip medium of instruction gikan sa pre-school ngadto na sa senior high school.
Kini human nga giuyunan ang maong desisyon sa Provincial Local School Board atol sa ilang meeting.
Matud ni Garcias nga misangput sa kalibug sa mga tinun-an sa Sugbo ang kasamtangang pamaagi sa pagtudlo gamit ang mother tongue o lokal nga pinulungan.
Gibasol sa gobernadora ang maong matang sa pagtudlo isip usa sa mga hinungdan nga nakaangkon og low rating ang kabatan-onan sa Pilipinas sa reading comprehension, mathematics, ug science suma pa sa usa ka pagtuon.
Gihimug-atan ni Garcia nga ipatuman nila ang maong panagsabot hangtud nga ang korte mismo maoy mopugong kanila.
