Giabswelto na sa Sandiganbayan si Juan Ponce Enrile, kanhi Presidente sa Senado ug kasamtangang Chief Presidential Legal Counsel, sa mga kasong graft nga may kalabotan sa kontrobersyal nga pork barrel scam.
Sa usa ka resolusyon nga gi-isyu sa Sandiganbayan, gikumpirma ang pag-abswelto kang Enrile, ingon man ang iyang kanhi chief of staff nga si Gigi Reyes.
Kahinumduman nga niadtong 2015, gitugotan sa Korte Suprema si Enrile nga makapiyansa base sa humanitarian grounds, usa ka kontrobersyal nga lakang nga gisulat ni kanhi Chief Justice Lucas Bersamin.
Sa ilang mosyon alang sa pag-usab sa hukom, gipadayon sa mga piskal ang testimonya sa mga importanteng saksi nga sila si Benhur Luy ug Ruby Tuason.
Bisan pa, gipadayon sa Sandiganbayan nga walay igong ebidensya aron pamatud-an ang panagkunsabo ug pagpangawat sa pondo nga gikinahanglan sa usa ka kaso sa plunder.
Sa pag-abswelto kang Enrile, kompleto na ang tulo ka kanhi senador nga nalambigit sa pork barrel scam nga giabswelto, lakip na sila si kanhi Sen. Bong Revilla ug Sen. Jinggoy Estrada.
Sa tibuok proseso, si Enrile ra ang wala makasinati og aktuwal nga pagkabilanggo, apan nagpabilin nga ubos sa hospital arrest sa wala pa gihatagan og temporaryo nga kagawasan.
Sa pagpagawas sa desisyon, si Enrile anaa kini sa ospital, diin gimonitor lamang siya pinaagi sa video conference.
