CEBU CITY-Mahimo nang makuha sa duha ka mga lokasyon ang paglukat sa Environmental Sustainability Action Plan (ESAP) Certificate Application sa kagamhanang dakbayan sa Sugbo sumala sa pahibalo niini kagahapong adlawa sa Biyernes, Marso 21, 2025.
Kini nga pahibalo kay gipaagi sa Cebu City Environment and Natural Resources Office (CCENRO) sa ilang official social media account nga nagawhag sa publiko ilabi na sa mga nanagiya og negosyo sulod sa dakbayan isip kabahin sa ilang mga resikitos nga kumpletohon.
Ang maong mga lokasyon kay mao ang CCENRO Main Office sa 2nd floor, Cebu City Hall Satellite Office (atbang sa karaang Prince Warehouse nga karon La Nueva Supermart) ug sa 4th floor Gaisano Mall (GMall) sa A. Soriano Avenue sa North Reclamation Area, Barangay Mabolo ning dakbayan sa Sugbo.
Gani mipahibalo pud kini nga pwedeng makontak ang buhatan pinaagi sa ilang hotline number.
Ang ESAP Certificate kay nag-otline sa plano sa usa ka organisasyon sa pagkab-ot sa mga environmental goals and sustainability sulod sa pipila ka tuig nga operasyon.
