Nagplano si kanhi Senador Antonio Trillanes IV nga mopasaka og reklamo sa ethics batok kang Senador Ronald “Bato” Dela Rosa kon dili siya mopakita.
Kapin duha ka bulan nang nagtago-tago ang Senador human sa mga report nga adunay warrant of arrest batok kaniya gikan sa International Criminal Court (ICC) tungod sa iyang papel sa gubat batok sa droga.
Human sa pamahayag ni Trillanes, si Senate President Vicente Sotto III miingon nga ang bisan kinsang nagpakabana nga lungsuranon gawasnon nga mopasaka og reklamo batok sa bisan kinsang Senador.
Miingon siya nga ilang iproseso kini sumala sa mga lagda sa Senado. Kung kini ma-refer na sa husto, miingon siya nga ang Ethics Committee Chairman mohatag og update sa publiko.
Samtang, gipasabot sa Ethics Committee Chairman nga si Senador JV Ejercito nga kon mopasaka si Trillanes, kinahanglan kining i-pila tungod kay adunay mga nangaging reklamo sa ethics nga nagpadayon pa sa komite.
Sa mensahe nga gipaambit ni Senador Dela Rosa atol sa iyang ika-64 nga adlawng natawhan niadtong Miyerkules, siya miingon nga maghulat siya sa hustong panahon aron moatubang isip usa ka Pilipino kung ugaling adunay mga kaso nga ipasaka batok kaniya.
