CEBU – Misamot ang panagbuwag sa Europe kung dawaton ba o isalikway ang mga Ruso nga nangalagiw sa conscription human nagdali ang Moscow sa pagpalihok sa gatusan ka libo nga mga rekrut aron makig-away sa Ukraine.
Gipakita sa mga opisyal sa Germany ang posibilidad sa paghatag og asylum sa mga mibiya ug kadtong nagdumili sa draft ug nanawagan alang sa usa ka solusyon sa tibuuk nga Europa.
Sa France, nangatarungan ang mga senador nga adunay katungdanan ang Europe sa pagtabang ug gipasidan-an nga ang dili paghatag ug dangpanan sa mga nangalagiw nga mga RuSo mahimong magdula sa mga kamot ni Putin, nga gipakaon ang iyang asoy sa pagsupak sa Kasadpan sa Russia.
Samtang, lig-on nga gibarugan sa ubang mga nasud sa EU nga dili kinahanglan itanyag ang asylum nga naglakip sa Lithuania, nga utlanan sa Kaliningrad, usa ka exclave sa Russian Baltic Sea.
Gani, nitweet pa ang foreign minister niini nga si Gabrielius Landsbergis nga kinahananglang magpabilin ug makig-away ang mga Ruso apan batok kang Putin.
