Gibalibaran sa European leaders ang hangyo ni US President Donald Trump nga tabangan sila nga masiguro nga luwas ang Strait of Hormuz.
Sa panagtagbo sa European Union sa Brussels, ang German Foreign Minister nga si Johann Wadephul mibutyag nga wala silay intensyon nga iapil ang ilang militar sa panagbangi sa Iran.
Dugang pa niini nga kinahanglan nila ang pagklaro sa isyu, nga dili usa ka gubat nga ilang gisugdan.
Kini nga pahayag gisuportahan sa pipila ka mga miyembro sa North Atlantic Treaty Organization (NATO) member states.
Kahinumdoman nga mihangyo si Trump sa mga European Leaders nga kuyogan sila aron mahimong luwas nga agian sa mga Cargo ship ang Straight of Hormuz, gikan sa pag-atake sa Iran.
Samtang sa pikas bahin, dili ikalimod ni US President Donald Trump ang iyang pagkadismaya sa United Kingdom, human wala sila motabang sa gubat batok sa Iran.
Nagdumili si British Prime Minister Keir Stammer sa pagpadala og mga kagamitan sa militar sa Middle East.
Gipasigarbo usab niini nga ang UK usa ka suod nga kaalyado sa US diin ang Amerika migasto og daghang kwarta sa North Atlantic Treaty Organization (NATO).
