CEBU CITY-Patay ang usa ka ex-convict human kini gipusil sa wala pa mailhi nga gunman sa Sitio Zapanta sa Barangay Tejero, dakbayan sa Sugbo pasado alas 4 sa kadlawon niadtong Sabado, Agosto 17, 2024
Giila ang biktima nga si Mark Anthony Rico, 44-anyos kinsa mamainit lang unta sa usa ka bakery sa dihang nahitabo ang insidente.
Igo sa pagpamusil ang tuo nga apapangig hinungdan nga gidala dayon kini sa tambalanan sa Vicente Sotto Memorial Medical Center (VSMMC)
Matod pa sa Waterfront Police Station aduna na sa luwas nga kahimtang ang biktima nga lumulupyo sa Sitio Riverside Park sa samang barangay.
Gilantaw sa mga awtoridad nga posibling pagpanimaws ang motibo sa pagpamusil apan wala pud giwala ang angulo sa kalambigitan usab kini sa ilegal nga drugas.
Atol sa imbestigasyon, nakuha sa crime scene ang upat ka basiyo sa bala sa alibre .45 nga pistola ug usa ka slug.
Dugang pa nga aduna nay person-of-interest ang gisubay sa mga kapulisan human namukhaan sa biktima ang gunman nga giingong paryente sa usa ka tawo nga una niyang gipatay.
Giilang kanhi piniriso ang biktima nga natanggong sa sulod sa 10 ka tuig sa Cebu City Jail sa Kalunasan ning dakbayan sa Sugbo og human siya makonbikto sa kasong murder nakagawas siya gikan sa prisoha niadtong Oktubre 2023.
Sa pagkakaronm padyon ang gipahigayon ang follow up operation sa mga kapolisan aron masikop ang maong gunman.
