Gipakamenos ni kanhi Presidente Rodrigo Duterte ang pamahayag sa iyang anak nga si Bise Presidente Sara Duterte, nga modagan pagka-senador sa 2025.
Gawas sa kanhi presidente, giapil usab sa Bise Presidente ang iyang duha ka mga igsuon nga sila si Davao City Mayor Sebastian “Baste” Duterte ug Davao City First District Representative Paolo Duterte, kinsa seguradong magpapili pagka senador sunod tuig.
Ang kanhi presidente niingon nga dili motuo sa gisulti sa anak kay wala pa silay desisyon.
Matod niya kon modaog sila, wala pa usab sila masayod kon unsay buhaton nilang mag-amahan sa senado.
Dugang pa niya nga wala mokonsulta kaniya ang iyang anak nga si Bise Presidente Duterte dihang ni-resign siya isip secretary sa Department of Education.
Saysay pa niini nga iyaha nalang nga tugyan sa Diyos ang iyang kapalaran sa piniliay.
