-- ADVERTISEMENT --
Boluntaryong misurender si kanhi Senador Ramon “Bong” Revilla Jr. gabii, Lunes, Enero 19, 2026, ngadto sa Philippine National Police Criminal Investigation and Detection Group (PNP-CIDG) sa Camp Crame.
Kini human gi-isyu ang iyang warrant of arrest tungod sa mga kasong malversation ug falsification of public documents kabahin sa anomalosong P92.8-milyon nga flood control project sa Pandi, Bulacan.
Giubanan ang kanhi senador sa iyang asawa, si Cavite Rep. Lani Mercado-Revilla, kinsa miadto sa PNP-CIDG.
Sa wala pa misurender, nag-live ang kanhi senador sa iyang social media diin iyang giingon nga daw walay due process para kaniya, busa dali nga gi-isyu ang iyang warrant of arrest.
