CEBU – Pabilin sa gihapon nga ipatuman ang pagsul-ob og face mask sa dakbayan sa Sugbo ug Mandaue.
Matod pa ni Cebu City Mayor Michael Rama nga dili pa niini sagupon ang Executive Order (EO) ni Cebu Governor Gwendolyn Garcia nga wala na magkinahanglan og pagsul-ob og face mask sa publiko, open space, ug well-ventilated nga mga luna.
Gitino ni Rama nga dili niini tangtangon ang pagsul-on og face mask sa syudad.
Nag-una, nagtuo ang mayor nga lahi ang kahimtang sa dakbayan kon itandi sa probinsya.
Susamang desisyon usab ang gibuhian ni Atty, John Eddu Ibañez, ang chief of staff ni Mandaue City Mayor Jonas Cortes, nga sa pagkakaron, gipatuman pa ang polisiya sa dakbayan sa pagsul-ob og face mask.
Kini gumikan ang polisiya gibase sa usa ka ordinansa ug ang Sanggunian Panlungsod ra ang maka-amendar niini.
