Ferris wheel sa Germany, gilamoy og sunog; Kapin sa 20 ang naangol

GERMANY-Kapin sa 20 ka mga tawo ang nasamdan human ang usa ka Ferris wheel nasunog atol sa music festival sa lungsod sa Leipzig sa Germany.

Niulbo ang sunog sa duha ka gondola sa Highfield Festival ug dali nga nakontrolar.

Matud sa tigpamaba sa pulis nga upat ka mga tawo ang nakahiagom og sunog, usa ang nasamdan sa pagkahulog ug laing 18 ka mga tawo ang nag-antos sa aso.

Dali nga nirespondi ang usa ka helicopter ug mga sakop sa kabomberohan ug tanang mga nasamdan daling gidala sa tambalanan apan, nasamdan usab ang mga sakop sa kapulisan ug mga bombero atol sa operasyon.