Mihatag ang Fédération Internationale de la Football Association (FIFA) og pundo nga mokabat sa $25 milyon o kapin sa P1.6 bilyones aron palig-onon ang dula nga football sa tibuok nasud.
Kini human gipirmahan ang usa ka memorandum of agreement (MOA) tali sa Philippine Sports Commission (PSC), Philippine Football Federation (PFF), ug FIFA gahapon Nobyembre 15, 2026.
Mismo si FIFA President Gianni Infantino ang nangulo sa paglagda uban nila ni PSC Chairman Patrick Gregorio, PFF President John Gutierrez, ug Executive Secretary Ralph Recto.
Gikan sa maong kantidad, $13 milyon o kapin sa P831 milyon ang igahin alang sa dakong renobasyon sa Rizal Memorial Football Stadium nga sugdan sa Enero 2027, nga walay gasto ang gobyerno.
Ang nahibiling pundo gamiton sa pagtukod og tulo ka regional training centers.
Matod ni Infantino, ang nabag-o nga estadyum mahimong tinuod nga bahandi diin magtigi ang mga atleta gikan sa nagkalain-laing nasud, ug maghatag og mas dakong garbo alang sa matag Pilipino.











