Mag-ilog ang Germany ug Paraguay alang sa usa ka puwesto sa Round of 16 sa nagpadayon nga FIFA World Cup 2026, alas 4:30 sa buntag oras sa Pilipinas.
Diin ang napildi niining knockout match mobalik sa ilang tagsatagsa ka nasud, samtang ang modaog makaabante sa top 16 nga mga team ug adunay higayon nga makaabante sa quarterfinals kung modaog sila sa ilang sunod nga duwa.
Swerte ang Germany nga nakaabante sa Round of 32 human mapildi sa Ecuador sa score nga 2-1 sa ilang katapusang duwa.
Nahimo kini tungod sa maayong performance sa team sa ilang miaging mga duwa. Ang mga German footballers nga sila si Jamal Musiala ug Kai Havertz mao gihapon ang manguna sa ilang kampanya batok sa La Albirroja, ang Paraguayan national team.
Sa laing bahin, ang Paraguay misulod sa knockout stage uban sa ilang nailhan nga lig-on nga depensa ug pisikal nga pagdula.
Sa ilang katapusang duwa sa Group D, natapos sila sa goalless draw batok sa Australia, 0-0, nga nagbukas sa dalan alang kanila aron makaabante sa sunod nga yugto.
