Nanumpa na si Pedro Alliana isip bag-ong presidente sa Paraguay human gipatangtang sa katungdanan ang iyang gisundan nga si Santiago Peña, kinsa karon gipailalom sa house arrest. Kini nga panghitabo nalambigit sa pagkabungkag sa usa ka digital bank sa nasud.
Matod sa mga piskal, gitino pa nila ang mga espesipikong kaso nga ipasaka batok kang Peña. Diin mahimong apil niini ang gitawag nga influence peddling, ang paggamit sa posisyon sa usa ka tawo aron makakuha og mga pabor.
Gipatangtang si Peña sa katungdanan human nagkahiusa ang Senado sa pagbotar pabor sa iyang impeachment. Gipangutana sa mga magbabalaod ang giingong kalambigitan sa kanhi presidente sa pagkabungkag sa Ueno, usa ka digital bank nga nagsilbi sa halos katunga sa populasyon sa Paraguay.
Bisan pa man nga mitanyag si Peña nga mo-resign niadtong Huwebes, gipili sa Senado nga ipadayon ang proseso sa impeachment imbes nga dawaton ang iyang pag-resign. Tungod niini, si Alliana ang gipanumpa dayon isip iyang kapuli.
Human sa pagkasikop kang Peña, nagtapok ang mga nagprotesta sa gawas sa iyang pinuy-anan. Daling nagpadala ang kapulisan og dugang mga personahe sa seguridad sa maong lugar aron mapadayon ang kahusay.
