Nakaangkon ang Filipino-American rookie nga si Dylan Harper og hamstring injury sa iyang tuo nga bitiis sa Game 2 sa nagpadayon nga Western Conference Finals.
Nahitabo ang insidente atol sa ikatulong quarter sa duwa tali sa San Antonio Spurs ug Oklahoma City Thunder.
Misulay si Harper sa pag-agi taliwala nila ni Ajay Mitchell ug sa sunod-sunod nga NBA MVP nga si Shai Gilgeous-Alexander sa usa ka driving lay-up.
Apan, samtang sa dihang nilanding kini, natumba siya ug diha-diha dayon mibati og kasakit sa likod sa iyang tuo nga paa.
Misulay pa gani siya sa paglakaw ug paggukod balik sa iyang bench, apan ang medical staff sa San Antonio diha-diha dayon mihunong kaniya ug midagan diretso sa locker room alang sa dinalian nga medical evaluation.
Si Harper kaniadto nakarehistro og 12 puntos, tulo ka assists, ug duha ka rebounds sa 25 minutos lang nga pagdula.
Napili usab siya sa prestihiyosong NBA All-Rookie First Team nga bag-o lang gipagawas karong adlawa.
Sa Game 1, si Harper adunay double-double performance: 24 puntos, 11 ka rebounds, 6 ka assists, ug 7 ka steals!
Padayon pa ang ebalwasyon sa injury nga naangkon sa rookie guard.
