CEBU – Wala nagtakdu ang fingerprint sa patay nga lawas ni Franz Sabalones, ang self-confessed drug lord sa Central Visayas, sa fingerprint niini basi sa record sa Commission on Election sa lungsod sa San Fernando, Cebu.
Giangkun ni PRO 7 Regional Director Police Brigadier General Debold Sinas nga naglisud sila karun sa pagpangita sa pamilya ni Sabalones nga ilahang magamit arun nga mapamatud-an ang identity niini.
Subay niini, gipadayag ni Sinas nga teorya nila mao nga posibling dili si Sabalones ang patay nga lawas nga anaa karun sa Quezon City o posibli usab nga dili kang Sabalones ang fingerprint nga anaa sa record sa Comelec.
Sa pagkakarun, gipaabut na lang nila ang bisan usa ka miyembro sa pamilya sa self-confessed drug lord arun nga makuha usab ang patay nga lawas niini.
Nasayran nga naningkamut karun ang kapulisan nga ma-establisar ang identity sa nahisgutang patay nga lawas human nga adunay mitumaw nga laing ngalan ug giingung dili si Sabalones ang napatay niadtung Abril 18 sa buntag sa Barangay South Triangle, Quezon City.
