CEBU CIT-Tak-upan na sa Bureau of Fire Protection Cebu City ang Fire Prevention Month pinaagi sa usa ka culminating activity nga ipahigayon sa Pari-an Fire Station.
Subay niini, nanghinaut si SFO2 Wendel Villanueva, ang tigpamaba sa BFP-Cebu City, nga padayon nga magbinantayon ang publiko ilabi na sa panahon karun nga hilabihan nang ka-init.
Matud pa, bisan matapos na ang Fire Prevention Month, giingong gikinahanglan ang makanunayon nga pagmatngon ilabi sa kuryente nga mao ang sagad hinungdan sa pag-ulbo sa sunog.
Gidugang pa ni Villanueva nga hilabihan ka-uga ang palibot hinungdan nga gamay nga kayo posibli kining mudako ug makamugna ug sunog.
Mipahinumdoman kini sa publiko nga ang concern may kalabotan na sa sunog kay dili lamang alang sa mga bombero inay sa tibuok komunidad, diin giingong walay gamit ang ilahang pagpaningkamot kung wala usab kini magamit sa katawhan.
