Gibalhin na sa Cebu City Government ang firecracker zone ngadto sa Barangay Mambaling gikan sa pwesto niini kaniadto sa South Road Properties.
Matud ni Jonil Matugina, ang head sa Market Authority Office nga tuyo nila kining gibalhin aron matultulan sa kadaghanan kung asa makapalit og luwas nga mga pyrotechnic products.
Dugang pa niiini nga sa maong lakang, dili na makapalit ang katawhan og mga pabuto ngadto sa mga dili otorisadong mamaligyaay.
Anaa na sa 17 ka mga vendors ang aprubadong makabaligya sa ilang pabuto diin kumpleto kini sa mga gamit lakip na ang water drums ug fire extinguisher.
Dili na bag-o sa Cebu City Prevention, Restoration, Order, Beautification, and Enhancement (PROBE) team ang pag-kompiskar sa mga pabuto.
Matod sa head niini nga si Raquel Arce nga usa kini sa ilang responsiblidad ug lakip niini mao ang pagguba sa mga pabuto nga gibaligya sa dili otorisadong vendors.
Sigon pa usab ni Arce, sa ilang nasinati kaniadto ang dalan colon ang adunay daghang mga madakpan nga namaligya ug mga pabuto.
Apan karon, gilaoman ni Arce nga minimal nalang kini gumikan wala naman gitugotan ang mga sidewalk vendors sa pagpaninda sa colon sa adlaw nga lunes ngadto sa byernes.
Ang gitan-aw nalang karon ang area sa Carbon nga mga establisyemento nga adunay naninda ug mga pabuto.
