Gipasalig sa Palasyo sa Malacañang nga anaa sa maayong panglawas si First Lady Liza Araneta Marcos bisan pa man sa iyang pagkalambigit sa kamatayon sa negosyanteng si Paolo Tantoco.
Diin matud ni Claire Castro nga ang Unang Ginang nasayod sa kamatuoran luyo sa isyu.
Matud usab sa Unang Ginang nga dili na niya gusto nga padak-on pa ang isyu tungod kay ang tumong sa administrasyon mao ang pagpakita sa publiko sa trabaho ug tinuod nga serbisyo sa Presidente ngadto sa katawhan.
Gitataw sa Palasyo nga walay angay kabalak-an ang First Lady tungod kay makita ang mga talaan nga magpamatuod nga walay basehanan ang mga pasangil.
Hinoon, siya miingon nga ang mga nagpadayon sa pagpakatap sa bakak nga impormasyon aron sa pagdaot sa Presidente ug sa administrasyon kinahanglan nga mas mabalaka.
Samtang, gitun-an usab sa gobyerno ang posibleng legal nga aksyon batok sa nagpaluyo sa peke nga police report nga gipakatap online.
Matod ni Castro, daw tukma sa panahon ang pagpasaka sa kaso tungod kay dili angay tugotan nga mopatigbabaw ang mga bakak ilabi na nga gikan kini sa pipila ka sakop sa media nga mahimong tuohan sa publiko ug makamugna og sayop nga impresyon.
Gitataw usab sa Palasyo nga dili matarog ang kasamtangang administrasyon bisan pa sa maong mga pagpangdaot tactics.
Ingon man nga gitawag nga peke ug makauulaw ang mga pasangil nga gilambigit kang Liza Araneta Marcos.
