Naghupot og bag-ong rekord karon ang football star nga si Cristiano Ronaldo.
Kini human gilusad niya ang iyang kaugalingong channel sa YouTube niadtong Miyerkules nga nakakuha dayon kini og usa ka milyon nga subscribers sulod lang sa 90 minutos.
Giisip siya nga adunay labing paspas nga channel nga makakuha og 1 milyon nga mga subscriber.
Gi-post dayon niya ang 19 ka mga video sa mga channel bahin sa iyang kaugalingon ug sa iyang pamilya.
Sa social media account niini, ang 39-anyos nga Portugese player nag-post nga iyang gigunitan ang bulawan nga “play button” nga plaque gikan sa YouTube tungod sa labaw sa 1 ka milyon nga mga subscriber.
Kini karon adunay 15.4 milyon nga mga subscriber ug padayon pa ang ihap.
Gawas sa YouTube, aduna usab kini 170 milyones nga followers sa Facebook, 112.6-Milyones sa X nga kanhi Twitter ug 636-Milyones sa Instagram.
