Gikonsiderar karon ni former Cebu Provincial Consultant Byron Garcia ang pagpasaka og kaso batok sa usa sa mga prosecutor sa Mandaue City tungod sa gipasangil niyang dili angay nga mga pamahayag niini atol sa pre-trial conference sa kasong gipasaka ni Janus Viscayno batok kaniya.
Sumala ni Garcia, iyang gihangyo ang iyang legal counsel sa pagtuon sa posibleng legal nga aksyon batok sa maong prosecutor, nga iyang giingong milapas sa angay nga papel sa usa ka piskal atol sa gihimong pagdungog.
Matud pa niya, ang maong mga pamahayag mahimong makahatag og pagduda sa pagka-impartial sa pagdumala sa kaso ug mahimong adunay administratibo ug legal nga implikasyon.
Bisan pa niini, wala pa gipadayag ni Garcia ang espesipikong kaso nga iyang ipasaka ug kung kanus-a kini isumite.
Ang maong isyu may kalabot sa kasong gipasaka ni Janus Viscayno batok kang Garcia nga anaa karon sa proseso sa pre-trial proceedings.
