CEBU CITY-Gihulagway ni Atty. Elaine Bathan kinsang former Eastern Visayas Intergrated Bar of the Philippines (IBP) governor ug karon Assistant Dean sa University of San Jose Recolitos (USJR) , School of Law nga usa ka “unfortunate event” ang nahitabo nga pagdakop sa mga nagprotesta nga mga University of the Philippines (UP) Cebu students sa mga sakop sa kapulisan niadtong Hunyo 5, adlaw nga Biyernes.
Pagtino sa manlalaban sa dihang nahinabi sa programang Dura Lex Sedlex sa Bombo Radyo Cebu nga nasabtan niya ang kahadlok, ug kabalaka nga gipadayag sa mga raliyesta sa giduso nga Anti-terrorism bill apan ang UP-Cebu ang ubos pa sa General Community Quarantine (GCQ) ug wala pa gyud gitugtan ang mass gathering.
Gihimug-atan ni Bathan nga aduna ma’y mga laing paagi nga makapadayag sa kalagot o kadismaya sa mga kasamtangang issue hayan alang sa manlalaban ang nahitabo nga pagprotesta sa naasoy nga mga batan-on ang matud pa “the end doesn’t justify the means.”
