CEBU – Daw sama sa usa ka gamay nga jeep ang ‘bamboo fourcycle’ nga nakadanig atensyon sa San Juan, Batangas.
Sa usa ka taho, nasayran nga ang ‘fourcycle’ mao angkanhi motorsiklo nga gihimo sa nitaliwang padre de pamilya sa mga Trivino sa Barangay Quipot.
Matod pa ni Erwin, nga creative mind na daan ang ilahang amahan nga si Obedias kinsa nitaliwan niadtong 2018.
Ilaha lang gipun-an og ligid ang kanhi motorsiklo aron makasakay ang lima hangtod sa pito ka indibidwal.
Apan giklaro ni Erwin, nga wala nila gihimong pasaheroan ang bamboo fourcycle, nga maski ang mga langyaw nga makakita mobilib gayud sa talento sa Pinoy.
Gikalipay usab sa usa ka opisyal sa Land Transportation Office-Region 4-A ang pagka-creative sa pamilya apan nipahimangno kini kalabot na sa kaluwasan sa karsada.
