Aduna na gikatahong kakuwang sa paghuna-huna ilabi na sa iyang memorya si kanhi Presidente Rodrigo Duterte susama sa paghinumdum niini sa mga panghitabo ug pag-ila sa imga sakop sa iyang pamilta sumala pa sa lead defense counsel niini nga si Atty. Nicolas Kaufman ngadto sa International Criminal Court (ICC).
Kini nga sugyot ni Kaufman kay nanghinaot sa “indefinite adjournment” sa tanang legal proceedings batok sa kanhi president.
Sumala sa public redacted version sa “Defence Request for an Indefinite Adjournment” nga gipagawas sa ICC niadtong Septiyembre 11, gikataho ni Kaufman nga ang 80-anyos nga si Tatay Digong kay aduna nay kakuwang sa kapasidad sa iyang kahanas nga importante para sa pagpanalipod sa iyang giatubang nga kaso.
Gi-postpone sa ICC ang pagdungog sa confirmation charges batok kang Duterte nga gikatakda sa Septiyembre 23, tungod sa pamahayag sa depensa nga “not fit to stand trial” kini.
