-- ADVERTISEMENT --
Posibleng mopirma og extension ang free agent guard nga si Malik Monk sa Sacramento Kings.
Basi sa inisyal nga report sa NBA, gitanyagan si Monk og $78Million nga kontrata alang sa upat ka tuig niyang pagpabilin sa Kings.
Positibo ang tubag sa Kings guard sa tanyag diin gilaumang mopirma siya sa iyang kontrata sa paghuman sa moratorium nga gitakda sa NBA karong Hulyo 7, 2024.
Si Monk mao’y runner-up sa 2023-24 Kia NBA Sixth Man of the Year Award ug usa sa labing kasaligan nga reserve guards sa NBA.
Sa wala pa moapil sa Kings sa 2022-2023 season, nanguna kini sa tanang reserba sa NBA nga adunay pinakadaghang puntos og miiskor og 1,110.
-- ADVERTISEMENT --
