CEBU CITY-Dili ang imahe sa Sto. Nino ang matud pa rason sa pagtoo sa mga katoliko inay ang “freewill” niini o kabobot-on.
Kini ang unod sa homiliya sa Papal Nuncio to the Philippines nga si Archbishop Gabriele Giordano Caccia atol sa launching sa ika 500 nga tuig nga kasaulugan sa pag-abot sa imahe ni Sr. Sto. Nino sa Pilipinas partikular na sa Sugbo.
Gisaysay sa Papal Nuncio ang kasaysayan sa pag-abot sa imahe sa balaang bata sa panahon ni Ferdinand Magellan nga maoy mipaila-ila sa kristyanismo.Gitataw ni Caccia nga human na sa pagbunyag sa mga Cebuano para mahimong kristiyano ayha pa gipaila-ila ang imahe sa balaang bata.
Hayan gihimug-atan sa Papal Nuncio nga anaa sa “freewill” o kabobot-on sa mga katawhan ang hugot nila nga pagtoo niini.
Samtang gihimug-atan usab sa arsobispo nga kung pagtoo na ang hisgutan mas maayo nga mahisama sa bata nga tim-os apan mamahimong hamtong sa pagsalig og pagtoo sa Diyos.
Usa matud pa kini ka pahinumdom nga ang Ginoo nga si Hesus sa dihang bata pa , nahimo na nga hari kinsang nagunit sa kalibutan sa iyang kamot butang nga makita nato sa nga imahe sa balaang bata.
Dako matud pa ang importansya nga saulogon kini sanglit sulod sa dugay nga panahon gi-amuma sa Order of Saint Augustine ang balaang senyor inubanan sa hugot nga pagtoo sa katawahan.
Nasayran nga dili muminos sa 2 mil ka mga devotees o deboto ang mitambong sa misa kagahapon sa Basilica Minore del Santo Niño.
