Giduso sa House of Representatives ang usa ka balaodnon nga nagtumong sa pagpugong sa kalit nga pagsaka sa presyo sa mga produktong petrolyo.
Ubos sa House Bill 8839 o ang “Fuel Price Stabilization and Energy Security Act” nga gisulat ni Manila Rep. Joel Chua, ang gobyerno hatagan og gahum sa pagpangilabot sa presyo ug suplay sa lana sa lokal nga merkado.
Sukwahi kini sa kasamtangang sistema diin ang mga kompanya sa lana lamang ang magdikta sa mga presyo basi sa Oil Deregulation Law.
Ang balaodnon naglatid sa pagtukod sa Oil Price Stabilization Fund ug Strategic Petroleum Reserve, nga magsilbing pasilidad sa pagtipig alang sa barato nga lana kung ang mga presyo ubos sa merkado sa kalibutan ug ipagawas lamang sa panahon sa krisis.
Sumala ni Chua, kini nga mekanismo makapugong sa panic buying ug makasiguro sa igong suplay sa lana bisan sa taliwala sa kagubot sa kalibutan.
