Gisugdan na ang full deployment sa mga sakop sa kabomberohan sa dakbayan sa Lapu-Lapu alang sa umaabot nga kapistahan sa Nobyembre 21.
Diin nagsugod sila pagbutang sa mga personahe niadtong Nobyembre 17 ngadto na sa Nobyembre 22, 2025 lakip na ang mga fire truck ug adunay mga ambulansya.
Subay usab kini sa gipaabot nga daghan pang kalihokan ang ipahigayon nga aktibidad.
Sa pakighinabi sa Bombo Newsteam kang FSupt. Arnel S. Abella, District fire Marshall gikanayon niini nga sa 140 ka mga personahe nga anaa sa Lapu-Lapu Fire Station kay adunay 60 ang gi-deploy aron moabag sa seguridad ug pagbantay sa mga fire exit, ingon man pagsusi sa mga electrical aron sa paglikay sa mga posibleng pag-ulbo sa sunong atol sa pagsaulog sa kapistahan.
Kasamtangang malinawon karon ang dakbayan apan wala gihapon nila giwala ang posibilidad sa kagubot hilabi na nga gilaumang modagsa ang katawhan sa Simbahan hinungdan nga hugot nila kini nga gipangandaman.
