CEBU CITY – Gipanghinaut sa kanhi undersecretary sa Dangerous Drugs Board Atty. Clarence Paul Oaminal nga hunungon na nila ni Presidente Rodrigo Duterte ug Vice President Leni Robredo ang politika ug tutukan ang pagsulbad sa problema sa iligal nga drogas sa Pilipinas.
Matud ni Atty. Oaminal nga kinahanglan nga mu ‘mature’ ang duha ka mga tag-as nga opisyal ug hunahunaon ang kaugmaon sa nasud.
Napanglantawan sa kanhi DDB undersecretary nga wala’y kapa-ingnan ang kanunay nga pagbinaylo-ay ug mga pamahayag sa duha.
Sigon pa ni Oaminal nga ang mga sindikato kanunay ang paghimo ug iligal nga drogas, samtang ang presidente ug bise presidente, away ang gitutukan.
Sugyot niini nga putlon sa duha ang ilahang tagsa-tagsa ka mga garbo ug magtinabangay alang sa kasulbaran sa dugay nang nagguba sa nasud nga mao ang iligal nga drogas.
