CEBU – Siguradong mag-atubang sa kabug-at sa gasto sa pagkaguba sa mga linya sa kuryente nga gidumala sa tulo ka mga distribution utilities (DUs) sa probinsya ang mga electric end-users sa probinsya sa Bohol stungod gikatakda nga mobawi ang mga distribution utilities sa ilahang nagasto.
Masinati sa mga konsumidor ang taas nga pagsaka sa binuwan nga bayronon sa kuryente tungod sa super typhoon ‘Odette.
Gikatakdang magsugod na sa pagpaningil sa Marso 2022 ang mga distribution utilities tungod sa paggamit sa diesel sa paggama sa power barge 104 sa lungsod sa Ubay ug Bohol Diesel Plant sa Tagbilaran City.
Kini human nagpadayag ang Bohol Light Company Inc. (BLCI) ug Bohol Electric Cooperative I ug II nga ang kadaot sa ilang mga linya sa kuryente sa ilang tagsa-tagsa ka area of coverage nga natumba sa super typhoon niadtong Disyembre 16, 2021, ipasa ngadto sa mga konsumidor.
Sa laing bahin, nipahibawo ang Boheco II pinaagi sa FB post nga ang billing sa Pebrero 2022 mogasto sa konsumidor og P19.2902/kilowatt-hour tungod sa paggamit og diesel sa power barge 104 nga gitamnan sa lungsod sa Ubay ug Bohol Diesel Plant sa Tagbilaran City sa wala pa ang ang re-connection sa geothermal gikan sa Leyte.
