Nag-trending sa social media ang bag-ong hulagway sa Filipina beauty queen nga si Binibining Pilipinas Universe 2019 Gazini Ganados human siya gipaila isip bag-ong contestant sa unang edisyon sa Miss Grand International All Stars.
Kagahapon sa gabii, Marso 12, gipagawas sa Miss Grand International ang headshot ni Gazini sa ilang social media page aron ipaila siya isip usa sa mga delegado sa labing unang MGI All Stars pageant.
Ang MGI All Stars usa ka espesyal nga edisyon sa pageant nga naghiusa sa mga beterano o kanhing contestant gikan sa nagkalain-laing nasyonal ug internasyonal nga mga beauty pageant aron magkompetensya pag-usab alang sa usa ka dako nga international title.
Ang kompetisyon abli sa mga kandidato nga nakaapil na sa ubang mga pageant, lakip na kadtong nakadaog na og internasyonal nga mga titulo, ingon man mga minyo nga babaye, kadtong adunay mga anak, ug mga transgender nga babaye.
Gihulagway sa organisasyon ang Filipina-Palestinian nga modelo, aktres, ug personalidad sa TV nga nailhan tungod sa iyang “striking beauty, commanding stage presence, ug inspiring life story.”
