Mihimo og kasaysayan ang pambato sa Colombia nga si Vanessa Pulgarin human kini nalangkat ang korona sa first-ever Miss Grand International All-Stars nga gipahigayon sa Bangkok, Thailand.
Si Faith Maria Porter nga nagrepresentar sa Ghana ang napili nga first runner-up, samtang si Huong Giang nga nagrepresentar sa Vietnam ang second runner-up.
Napuno usab sa pag-abi abi ug pagtimbaya si Pulgarin sa iyang nahimong tubag sa final round sa Q&A.
Samtang, good fight gihapon ang gipakita sa mga pambato sa Pilipinas diin lakip sa top 5 finalists si Gazini Ganados ug maisugon nga gitubag ang pangutana bahon sa cyberbullying nga siya mismo usa sa mga nahimong biktima apan gamiton niini ang iyang tingog aron mapugngan ug makasabwag og pulong nga makaapekto sa indibidwal.
Gawas kang Ganados, nakasulod usab si Fushia Anne Ravena sa top 18 nga nakahatag usab og garbo sa Pilipinas.
