-- ADVERTISEMENT --

Napamatud-ang nga sad-an si Christian Emmanuel Sanon, usa ka pastor gikan sa Florida sa walo ka mga kaso nga may kalabotan sa pag konsabo aron palagputon ug patyon ang kanhi President sa Haiti nga si Jovenel Moïse niadtong 2021.

Matod sa mga prosekutor, nagplano si Sanon nga ilisan si Moïse isip presidente sa Haiti aron makakuha og mga kontrata alang sa usa ka kompanya nga nakabase sa Florida.

Gituohan nga ang plano nausab gikan sa pagtangtang kang Moïse ngadto sa pagpatay kaniya.

Niadtong Hulyo 6, 2021, ang kanhi presidente gipatay sulod sa iyang panimalay sa mga armadong mersenaryo gikan sa Colombia. Ang iyang asawa naangol usab atol sa maong pag-atake.

Human sa walo ka semana nga pag husay sa korte sa Miami, si Sanon nakit-ang sad-an sa tanang walo ka mga kaso ug karon nag-atubang sa posibilidad nga mapriso sa tibuok kinabuhi.

-- ADVERTISEMENT --

Hinuon, nagpabilin ang baruganan sa iyang abogado nga inosente siya ug nagplano silang moapela sa hukom.