CEBU CITY-Gihinganlan ni Mayor Mike Rama si City Councilor Rey Gealon isip bag-ong chairperson sa Traffic Management Committee, kanhi CITOM Board.
Gipahibalo kini ni Rama atol sa flag ceremony sa Plaza Sugbo karong buntag.
Si Gealon, kinsa maoy chairman sa committee on laws, ordinances, and styling sa City Council, maoy mohulip kang kanhi TMC chairperson ug abogado nga si Rico Rey Francis “Koko” Holganza, kinsa ni-resign karong bag-o.
Nasayran nga si Gealon maoy ikaduhang hepe sa Cebu City Transportation Office (CCTO) atol sa termino ni Rama isip mayor gikan niadtong 2013.
Subay niini, nagpasalamat si Gealon sa mayor sa pagtudlo kaniya nga mangulo sa TMC.
Giangkon niya nga usa ka “tall order” ang pagdumala sa sitwasyon sa trapiko sa dakbayan bisan pa sa iyang kasinatian kaniadto isip hepe sa CCTO.
