Mipasar ang mga magbabalaod sa Alemanya og usa ka balaodnon nga nagtinguha sa pagdugang sa gidaghanon sa mga sundalo sa nasod.
Kini nagtubag sa panawagan sa daghang mga nasud sa Europa nga magpadugang og tropa aron atubangon ang nagkadako nga tensyon nga gipahinabo sa Russia.
Ang kontrobersyal nga balaodnon nakadawat og 323 ka boto pabor, 272 supak, ug usa ka abstention.
Tinguhang palapdan sa Alemanya ang kusog militar niini ngadto sa 260,000 gikan sa kasamtangang 180,000 ka sundalo.
Dugang pa, gikatakda nga idugang ang 200,000 ka reservist sa tuig 2035.
Gilakip usab sa balaodnon ang pagtaas sa sweldo sa mga rekrut ngadto sa $3,000.
Sa ilalom sa bag-ong sistema, ang mga 18-anyos nga lalaki pangutan-on una kung interesado ba sila nga moserbisyo sa militar.
Pagsugod sa Hulyo 2027, ang tanang 18-anyos nga lalaki pasudlon sa mandatory military examinations.
