METRO MANILA-Padayon ang pagsaka sa ihap sa mga pasyente sa leptospirosis sa nasud tungod sa baha nga gipahinabo sa bag-ong mga bagyong Carina ug Habagat.
Matod sa Department of Health, kapin sa 500 ka mga pasyente ang na-admit sa ilang mga tambalanan.
Mokabat sa 43 ka mga pasyente ang gikataho nga namatay tungod sa maong sakit.
Gikan sa maong ihap, 41 niini mga hamtong samtang duha ka pasyente ang mga bata.
Kadaghanan sa mga natala nga kaso sa leptospirosis gikan sa Metro Manila.
Sa usa ka pakighinabi ni Health Asec.Albert Domingo, gitaho niini nga niabot sa 523 ka kaso sa leptospirosis ang natala sa ilang ahensya gikan niadtong Agosto 8 hangtod 13.
Gipaneguro usab sa ahensya nga adunay igo nga mga higdaanan sa mga tambalanan sa Pilipinas nga magamit sa mga pasyente nga adunay leptospirosis.
