Nakamugna og kagubot ang usa ka wild elephant human kini misulod sa usa ka grocery store sa Thailand aron mokaon sa pagkaon sulod sa tindahan.
Nag-viral ang video sa elepante nga gihinganlan og ‘Plai Biang Lek’ nga mihunong kadiyot atubangan sa tindahan duol sa Khao Yai National Park sa amihanan-sidlakang Thailand sa wala pa kini mosulod.
Ug sa dihang nakasulod na kini sa tindahan kay kalmado siyang nikaon sa mga snacks gikan sa counter bisan pa nga ang mga kawani sa parke misulay sa pagpalayo kaniya.
Migawas ang elepante nga nagbitbit og usa ka bag sa pagkaon nga adunay dakong punoan niini.
Ang pagsulod sa higanteng elepante sa tindahan hinungdan sa gamay nga kadaot, sama sa lapok nga mikaylap sa salog ug gamay nga kadaot sa kisame.
Matod sa tag-iya sa tindahan nga si Kamploy Kakaew, ang elepante mikaon og siyam ka pakete sa tam-is nga bugas humay, sandwich, ug pipila ka pinaugang saging.
Gawas sa kadaot sa tindahan kay wala hinuon kini nakaangol og tawo.
Sa gipaambi ni Danai Sookkanthachat, usa ka boluntaryo sa park, nga si Lek nailhan sa lugar ug kanunay nga mosulod sa mga balay aron mangita og pagkaon, apan mao kini ang unang higayon nga nakita niya nga misulod sa usa ka grocery store.
Gidugang pa niini nga nag-anam-anam na og daghan ang mga saag nga elepante sa syudad gikan sa kalasangan tungod sa pagpangita og pagkaon ug usa kini sa rason sa pagmugna og kasamok.
