Gilat-an sa Gilas Pilipnas ang Guam sa iskor nga 87-46 sa unang higayon sa FIBA Basketball World Cup Asian Qualifiers.
Nangulo si Justin Brownlee, nga adunay 22 puntos sa dula nga gipahigayon sa Calvo Field House sa Guam.
Miamot usab og 10 puntos si Dwight Ramos samtang si June Mar Fajardo adunay walo ka puntos ug 10 ka rebounds ug laing walo ka puntos ug walo ka rebounds nga bahin gikan ni AJ Edu.
Ang kadaugan usa ka maayong sinugdanan alang kang Quentin Millora Brown, kinsa bag-o lang miapil sa national basketball team, diin nakatala siya og unom ka puntos ug 10 ka rebounds.
Sukad sa pagsugod, wala na tugoti sa Gilas nga makalabaw pa ang Guam.
Mangandam na karon ang Gilas Pilipinas alang sa ilang ikaduhang duwa batok sa Guam, nga ipahigayon sa Blue Eagles Gym sa Disyembre 1.
