Target ni Gilas Pilipinas head coach Tim Cone ang dugang mga adlaw aron mangandam alang sa ikaduhang bintana sa FIBA World Cup Asian Qualifiers.
Sumala ni Cone, ang ilang training camp magsugod sa Pebrero 16.
Matud niini nga ang inisyal nga plano mao ang pagpahigayon gahapong adlawa, Pebrero 11, apan ang iskedyul sa pipila ka mga players nagkaproblema gihapon.
Diin ang pipila sa mga players nga iyang gihulat nga gikan pa sa liga sa Japan mao sila si AJ Edu, Dwight Ramos ug Quentin Millora-Brown samtang ang mga players nga gikan pa sa Korea mao sila si Kevin Quiambao ug Carl Tamayo.
Ang Gilas adunay duha ka dula nga dulaon sa nasud, ang una sa Pebrero 26 batok sa New Zealand samtang ang usa sa Marso 1 batok sa Australia, nga susamang ipahigayon sa Mall of Asia Arena.
