Giklaro sa head coach sa Gilas Pilipinas nga si Tim Cone nga wala pa’y pinal nga lineup alang sa Window 2 sa FIBA Basketball World Cup.
Sumala ni Cone, ilang i-finalize ang line up sa umaabot nga mga adlaw.
Mao kini ang reaksyon ni Cone sa pagpagawas sa listahan sa FIBA sa line up sa Gilas para sa Window 2.
Kini naglakip nila ni: Chris Newsome, RJ Abarrientos, Scottie Thompson, June Mar Fajardo, Cjay Perez, Dwight Ramos, Japeth Aguilar, Kevin Quiambao, Justin Brownlee, Carl Tamayo, AJ Edu, ug Quentin Millora-Brown.
Laing wala sa listahan mao si Kai Sotto, kinsa bag-o lang naka-recover gikan sa iyang ACL injury.
Si Cone kaniadto miingon nga gilauman nila nga moapil si Sotto sa dula sa Gilas.
Ang Gilas Pilipinas makigsangka sa New Zealand sa Pebrero 26 samtang ang Australia magdula sa Marso 1 sa Mall of Asia Arena.
