“Dakong buhi ug dili pa diay patay.”
Nakugang ang mga staff sa Wat Rat Prakhong Tham temple sa Thailand human nakadungog sila og pagpanuktok sulod sa usa ka lungon pipila ka higayon sa wala pa unta i-cremate ang sulod niini.
Ang sulod niini kay usa ka 65-anyos nga gituohang patay sa Buddhist temple sa gawas nga bahin sa Bangkok diin nagtuo silang mitaliwan na kini kay duha ka adlaw ang nakalabay kay namatyagang wala na kini nagginhawa.
Gani gitakda na unta kining i-cremate apan unsang pagka-unsaa dakong buhi pa diay si lola kay nanuktok na kini sulod sa iyang lungon.
I-livestream pa unta sa templo ang pagproseso pa pag-cremate apan gisuspenso dayon kini sa higayong buhi pa diay ang himatyon lang nga babaye.
Depensa sa igsoong lalaki niini nga duha ka tuig nang bedridden iyang ate nga mitugot pang mudonar sa iyang mga organs sa usa ka tambalanan sa Bangkok apan wala kini mahinayon
Human sa pagkadiskobre, gidala dayon sa ospital ang babayeng lola nga agakon pa sa templo ang gastuhon sa bayrunon niini.
