CEBU – Mibalik na sa kapitolyo ang bag-ong giproklamar nga gobernador sa Negros Oriental.
Kini human si Gobernador Roel Degamo gahapong adlawa Lunes, Oktubre 17, ni-asumer sa iyang katungdanan human siya gideklarar nga mananaog sa Mayo 2022 nga eleksiyon batok ni unseated governor Pryde Henry Teves.
Nakigtagbo si Degamo sa mga pangulo sa nagkalain-laing buhatan sa kapitolyo aron hisgutan ang mga butang sa iyang mga plano alang sa probinsiya.
Kung kahinumduman nga niadtong Oktubre 3, giproklamar sa Commission on Elections (Comelec) si Degamo isip bag-ong gobernador sa Negros Oriental human ang mga boto ni nuisance candidate Grego Gaudia, kinsa migamit sa pangalang “Ruel Degamo,” giwagtang pabor sa bag-ong gobernador.
Hinungdan nga si Teves, kinsa nagserbisyo isip gobernador sa Negros Oriental sulod sa halos upat ka bulan, nikanaog sa iyang katungdanan niadtong Martes sa hapon, Oktubre 11.
