Gobyerno, plano nga dugangan ang pundo sa DND alang sa pagpalig-on sa depensa sa Pilipinas

Plano ni Defense Sec. Gilberto Teodoro Jr., nga usbawan ang tinuig nga gasto sa depensa sa gobyerno.

Kini ang gikumpirmar ni Defense spokesperson Arsenio Andolong atubangan sa mga kawani sa media.

Matod ni Andolong, ang paggasto sa depensa sa ubang mga naugmad nga nasud kay 2 ngadto sa 2.5 porsiyento sa ilang gross domestic product (GDP) samtang ang Pilipinas kay 0.89 ngadto sa 1.2 porsiyento lamang.

Dugang niya, nga gitinguha ni Sec. Gilberto Teodoro Jr., nga patas-an kini og 1.8 ngadto sa 2 porsyento sa kinatibuk-ang GDP sa nasud.