Walay gahum ang gobyerno sa Pilipinas sa pagbabag sa asylum request ni kanhi presidential spokesman Atty. Harry Roque sa Netherlands, sumala pa sa Department of Foreign Affairs (DFA).
Gipasabot ni DFA Migrant Workers Affairs USec. Eduardo de Vega nga kon ang Dutch government mangutana sa kagamhanan sa Pilipinas sa pagpasabot sa mga rason nga gilatid ni Atty. Si Roque, sa iyang asylum bid, moinsistir nga ang demokrasya nag-uswag sa Pilipinas ug walay mga political prisoner o wala siya nag-atubang sa politikanhong paglutos sa nasud.
Kahinumduman nga si Atty. Roque kalit nga nigawas sa publiko sa The Hague, Netherlands nunot sa pagkasikop ni kanhi Presidente Rodrigo Duterte. Mao kini ang unang higayon nga nipakita siya sa publiko human ang House Quad Committee niisyu kaniya og warrant of arrest kalabot sa giingong pagkalambigit niya sa ilegal nga operasyon sa Philippine Offshore Gaming operators (POGOs).
Si Atty. Roque nagsumite ug aplikasyon alang sa asylum sa Netherlands aron tugotan siya nga morepresentar sa kanhi Presidente sa ICC, apan giklaro una ni VP Sara Duterte nga way labot si Atty. Roque sa legal team sa kanhi Presidente.
Sa pagka karon wala pay detalye nga gipagawas kalabot sa status sa asylum application ni Atty. Roque.
