CEBU CITY-Gipasabot ni Victor Caindec ang director sa Land Transportation Office (LTO-7) sa mga kalapasan sa usa ka motorista hinungdan nga madakpan.
Kini human nga mipagawas og direktiba ang LTO nga panakpon ang mga motor nga dunay bora-bora o saba nga tambucho.
Nagkanayon si Caindec nga duna namay existing order ug guidelines sa opensa nini apan kini natagaan og dako karon nga pagtagad tungod na usab sa kadaghan sa reklamo niining bora-bora.Nawala na matud pa kini sa una apan karon mibalik na usab.
Sugod karon dili na tugutan ang straight-5 engine nga motor diin panguhaan usab og tambucho. Ikaduha mao ang pagmodify niini og paglapas sa 115 decibels.
Dili usab simple ang pagsikop niini hinungdan nga dunay gamiton nga sound meter ang manakop para masuta kung nakalapas kini sa balaud.
Mamahimo usab nga makamulta og 5,000 pesos ang si kinsa mang makalapas niini o ma-impound ang motor.
Dugang pa usab ni Caindec nga dili na kinahanglan nga himoong issue pa kini sanglit kung musunod lang ang mga drivers, wala may problema.
