CEBU PROVINCE-Nakakuha og suporta si Cebu Provincial Governor Gwendolyn Garcia gikan sa mga mayor sa lalawigan sa Sugbo nunot sa panawagan sa gobernadora nga ipahigayon ang Sinulog 2024 sa Cebu City Sports Complex.
Nasayran nga lakip sa mga misuporta nga mayor kang Garcia sila si Sogod Mayor Moonyeen Durano Estreegan, Lapu-lapu City mayor Junard ‘Ahong’ Chan, Talisay City Mayor Samsam Gullas, Tudela mayor Jojo Solante ug Daanbantayan mayor Sun Shimura nga mi-uyon sa gisugyot sa gobernadora.
Matud pa sa naasoy nga mga mayor nga mas ‘logical’ ug mas practical kung sa Abellana ang Venue sa Sinulog Grand Ritual Showdown arun layo sa risgo sa mga contingent nga manayaw sa sinulog.
Ingon man nga kon gani ipugos og duso nga sa SRP ipahigayon ang maong kalihokan, dili kini mopakita og suporta.
