CEBU – Gimanduan ni Cebu Provincial Governor Gwendolyn Garcia ang kapulisan sa Cebu Provincial Police Office nga pahugtan pa ang seguridad sa probinsiya ilabi na sa mga mall.
Kini subay na sa nahitabong pagpanulis sulod sa J Center Mall sa dakbayan sa Mandaue.
Gibutyag ni Governor Garcia nga pahugtan pa ang mga entry ug exit points sa probinsiya arun nga dili basta makasulod ang mga dautang elemento dinhi sa Sugbo.
Gitawag usab sa gobernadora nga ‘sitting duck’ ang mga security guards nga naka-duty niadtung gitulis ang nahisgutang mall, butang nga giingung angayan lang nga susihon ug imbestigaran.
Subay niini, gisiguro ni Police Colonel Roderick Mariano, CPPO Director, nga ‘in-place’ ang seguridad lukop probinsiya.
Una niini, gipasar sa provincial board ang usa ka ordinansahon nga gipangamahanan ni Board Member Tadeo Jovito “Jonkie” Ouano , diin mag-awhag sa tanang mga establisimento sa probinsiya sa Sugbo nga magbutang ug mga CCTV camera.
