Nasinati na sa dakbayan sa Sugbo ang economic pressure mugna sa krisis nga gipahinabo tungod sa gubat sa Middle East nga nakapabalda sa suplay sa lana sa kalibutanong mercado nga nakapamahal sa presyo sa mga palaliton.
Sa asoy pa ni Cebu City Mayor Nestor Archival Sr. atol sa pakighinabi niini sa mga sakop sa tigbalita niadtong Martes Santo, Marso 31 nga adunay pagpamuhunan sa syudad nga naungot o nalangay tungod sa krisis sa ekonomiya.
Pipila sa mga sektor nga naigo niini kay mao ang konstruksyon ug ang pagpang-hire sa mga bag-ng empleyado sa mga kumpanya nga nakamugna og taas nga unemployement rate sa syudad.
Lain epekto sa krisis sa ekonomiya nga nasinati na sab sa syudad mao ang pagsaka sa presyo sa mga palaliton mahitungod gihapon sa nagkataas nga logistics expenses kay sa nagkamahal nga presyo sa lana ingon man ang paghinay sa turismo sa syudad kay nagkagamay ang disposable income sa mga tawo.
Dugang pa sa mayor nga bisan ang sektor sa panguma ug panagat kay nakasinati sab og pagkabalada kay ang presyo sa fertilizer ug krudo kay hait kaayo ang saka sa presyo.
Pamulso pud niini sa mga negosyante sa syudad nga nakataho sa pag-ubos sa ilang halin tungod nihinay ang transaksyon sa negosyo.
Gitun-an sa kagamhanang dakbayan ang mga interbensyon nga ilang pagabuhaton aron ipagaan ang palas-anon sa katawhan lakip niini ang controlled cost of living, mas gipahugot nga price monitoring, targeted subsidies sa mga hilabihang apektado nga sektor sama sa transportasyon, pagprotektar sa trabaho ug Micro, Small, Medium Enterprises (MSMEs), pagdalit og tax relief, pagroll-out of livelihood programs, ug uban pa.
Ulahing pahimangno sa opisyal nga dto sa publiko nga bisan man sa krisis nga nasinati karon kay gilikay niini ang batasan sa pag-panic buying tungod kay makamugna lang kini og artipisyal nga paghinit sa suplay sa pamaliton nga dili maapod sa matag mamalitay.
