Misang-at og Emergency Wage Increase petition ang grupo sa mga mamumuo, partikular na ang grupo sa Partido Manggagawa, sa buhatan sa Regional Tripartite Wages and Productivity Board (RTWPB) Biyernes, Marso 27, 2026.
Matud ni Dennis Derige, ang tigpamaba sa Partido Manggagawa nga mipasaka sila og Emergency Wage increase petition sa buhatan sa RTWPB subay na sa padayong pagsaka sa presyo sa mga nag-unang palaliton hilabi na sa presyo sa lana.
Sigon niini nga ila kining gisang-at aron madungagan ang suholan sa mga mamumuo ngadto na sa P100 aron sa pagtubag sa gisagubang nga kalisod sa publiko, hilabi na nga kasamtangan nga nakasinati og “supervening” event ang nasud.
Gihimug-atan ni Derige, nga panahon na nga ipatuman ang Emergency Wage Increase gumikan kay mao kini ang nakalatid sa balaod sa RTWPB nga mapatuman lang ang pagpasaka sa suholan kung adunay “supervening event”.
Dugang pa niini nga kinahanglan ang hinanali nga pagpatuman niini gumikan kay usa kini ka “urgent economic relief” sama sa pagpatuman sa kaulohan sa State of Emergency gumikan sa nasinati nga crisis sa nasud.
Nanawagan usab si Direge, sa buhatan sa Department of Labor and Employment Region-7 og RTWPB nga paspasan ang pagpatuman niini aron makasuporta sa mga minimum wage earner gumikan kay wala sila malakip sa mga hinabang nga gipang-apod-apud sa kaulohan susama sa nadawat sa mga PUV Drivers, Taxi Drivers og Tricycle Drivers.
